XƏBƏRLƏR

46. Əlillər, sağlamlıq imkanları məhdud uşaqlar hamilə qadınlar və südəmər uşaqları olan analar, 60 yaşından yuxarı olan kişilər və 55 yaşından yuxarı olan qadınlar, eləcə də siyahısı Azərbaycan Respublikasının Səhiyyə Nazirliyi tərəfindən təsdiq olunmuş xəstəlikləri olan cinayət törətmiş narkomanlar barəsində məcburi müalicə Qaydalarının təsdiq edilməsi haqqında Azərbaycan Respublikası Nazirlər Kabinetinin Qərarı, 2000-ci il

Əlillər, sağlamlıq imkanları məhdud uşaqlar hamilə qadınlar və südəmər uşaqları olan analar, 60 yaşından yuxarı olan kişilər və 55 yaşından yuxarı olan qadınlar, eləcə də siyahısı Azərbaycan Respublikasının Səhiyyə Nazirliyi tərəfindən təsdiq olunmuş xəstəlikləri olan cinayət törətmiş narkomanlar barəsində məcburi müalicə Qaydalarının təsdiq edilməsi haqqında

AZƏRBAYCAN RESPUBLİKASI NAZİRLƏR KABİNETİNİN QƏRARI
 

"Narkotik vasitələrin, psixotrop maddələrin və prekursorların qanunsuz dövriyyəsi ilə mübarizə haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 1999-cu il 4 avqust tarixli, 174 nömrəli Fərmanının icrasını təmin etmək məqsədi ilə Azərbaycan Respublikasının Nazirlər Kabineti qərara alır:

1. "Əlillər, sağlamlıq imkanları məhdud uşaqlar hamilə qadınlar və südəmər uşaqları olan analar, 60 yaşından yuxarı olan kişilər və 55 yaşından yuxarı olan qadınlar, eləcə də siyahısı Azərbaycan Respublikasının Səhiyyə Nazirliyi tərəfindən təsdiq olunmuş xəstəlikləri olan cinayət törətmiş narkomanlar barəsində məcburi müalicə Qaydaları" təsdiq edilsin (əlavə olunur). [1]

2. Bu qərar imzalandığı gündən qüvvəyə minir.

Azərbaycan Respublikasının Baş naziri A.Rasİzadə

Bakı şəhəri, 10 oktyabr 2000-ci il
№ 186

 

Azərbaycan Respublikası Nazirlər Kabinetinin

2000-ci il 10 oktyabr tarixli, 186 nömrəli qərarı ilə
təsdİq edİlmİşdİr

 

Əlillər, sağlamlıq imkanları məhdud uşaqlar hamilə qadınlar və südəmər uşaqları olan analar, 60 yaşından yuxarı olan kişilər və 55 yaşından yuxarı olan qadınlar, eləcə də siyahısı Azərbaycan Respublikasının Səhiyyə Nazirliyi tərəfindən təsdiq olunmuş xəstəlikləri olan cinayət törətmiş narkomanlar barəsində məcburi müalicə
 

QAYDALARI [2]

 

1. Narkomanlığa düçar olan şəxslər arasında xəstəliyin növündən asılı olmayaraq əlillərə, sağlamlıq imkanları məhdud uşaqlara hamilə qadınlara, südəmər uşaqları olan analara, 60 yaşından yuxarı olan kişilərə və 55 yaşından yuxarı olan qadınlara, eləcə də  Səhiyyə Nazirliyi tərəfindən siyahısı təsdiq edilmiş xəstəlikləri olan cinayət törətmiş şəxslərə qarşı məcburi müalicə tədbirləri tətbiq edilib-edilməməsi haqqında rəy həkim-məsləhət komissiyası tərəfindən fərdi qaydada verilir.

2. Əlillik, sağlamlıq imkanlarının məhdudluğu hamiləlik, südəmər uşaqları olan analar, Azərbaycan Respublikasının Səhiyyə Nazirliyi tərəfindən siyahısı təsdiq edilmiş xəstəliklərin olub-olmaması yalnız ixtisaslaşdırılmış tibb müəssisəsi və ya tibbi-sosial ekspert komissiyası tərəfindən müəyyənləşdirilir.

3. Səhiyyə Nazirliyi tərəfindən təsdiq edilmiş siyahıya uyğun olaraq adları aşağıda göstərilən ruhi xəstəliklərdən əzab çəkən və narkotik vasitələri qəbul edən şəxslər psixiatriya xəstəxanalarında müalicə olunmalıdırlar:

şizofreniya - kəskin şəxsiyyət qüsuruna gətirib çıxaran bədxassəli, fasiləsiz inkişaf edən və tutmavari gedişli bütün formaları;

epilepsiya - tezləşmiş qıcolma tutmaları (yaxud psixi ekvivalentlər), ağıl zəifliyinə gətirib çıxaran dərin şəxsiyyət dəyişilməsi ilə;

invalüsion psixozlar - kəskin simptomatika ilə yaxud ağıl zəifliyi ilə;

oliqofreniya - kəskin büruzə verən debillik, yaxud imbesillik;

maniakal - depressiv psixoz tutmaları.

4. Bu Qaydaların 2-ci bəndində göstərilən xəstəliklərdən əvvəllər müalicə olunmuş şəxslərdə narkoloji müayinə zamanı həmin xəstəliklərin əlamətlərinin olub-olmaması məsələsi həll edilir, bu əlamətlər aşkar edilmirsə, onlar tibbi-sosial ekspert komissiyasının rəyi əsasında məhkəmə qərarı ilə məcburi müalicəyə cəlb olunurlar.

5. Bu Qaydaların 1-ci bəndində göstərilən, həmçinin narkomaniyaya düçar olmuş şəxslər azadlıqdan məhrumetmə yerlərindən azad olunduqdan sonra onlar haqqında yaşadıqları yer üzrə narkoloji tibb müəssisəsinə islah əmək müəssisələrinin rəhbərliyi tərəfindən məlumat verir. Həmin şəxslər qeydiyyata götürülür, müşahidə olunur və lazımi hallarda həmin narkoloji-tibb müəssisəsində onlara aid profilaktik və müalicə tədbirləri tərtib edilir.

6. Ruhi və narkoloji tibb müəssisələrində təxirəsalınmaz stasionar müalicəyə ehtiyacı olan hər hansı mənşəli kəskin psixozlar (o cümlədən alkoqol və ya narkotik vasitələrin qəbulu ilə əlaqədar olan), narkomaniya xəstəliyinə düçar olmuş şəxslərdə narkomaniya xəstəliyi ilə yanaşı, təcili ixtisaslaşdırılmış stasionar müalicənin aparılmasını tələb edən digər (cərrahi, daxili və s.) xəstəliklər zamanı narkomaniyadan məcburi müalicə tədbirlərinin tətbiq edilməsinə müvəqqəti yol verilmir.

Həmin şəxslər adı çəkilən xəstəliklərə aid müvafiq ixtisaslaşdırılmış müalicə kursu aldıqdan sonra narkomaniyaya qarşı məcburi müalicəyə göndərilməlidirlər.

 

İSTİFADƏ OLUNMUŞ MƏNBƏ SƏNƏDLƏRİNİN SİYAHISI

 

1. 20 avqust 2008-ci il tarixli 192 nömrəli Azərbaycan Respublikasının Nazirlər Kabinetinin Qərarı (Azərbaycan Respublikasının Qanunvericilik Toplusu, 2008-ci il, № 8, maddə 787)

 

QƏRARA  EDİLMİŞ DƏYİŞİKLİK VƏ ƏLAVƏLƏRİN SİYAHISI

---

[1] 20 avqust 2008-ci il tarixli 192 nömrəli Azərbaycan Respublikasının Nazirlər Kabinetinin Qərarı (Azərbaycan Respublikasının Qanunvericilik Toplusu, 2008-ci il, № 8, maddə 787) ilə adında və 1-ci bəndində «Əlillər» sözündən sonra «, sağlamlıq imkanları məhdud uşaqlar» sözləri əlavə edilmişdir.

 

[2] 20 avqust 2008-ci il tarixli 192 nömrəli Azərbaycan Respublikasının Nazirlər Kabinetinin Qərarı (Azərbaycan Respublikasının Qanunvericilik Toplusu, 2008-ci il, № 8, maddə 787) ilə adında «Əlillər» sözündən sonra «, sağlamlıq imkanları məhdud uşaqlar» sözləri əlavə edilmişdir, 1-ci bənddə «əlillərə» sözündən sonra «, sağlamlıq imkanları məhdud uşaqlara» sözləri əlavə edilmişdir və  2-ci bənddə «Əlillik» sözündən sonra «, sağlamlıq imkanlarının məhdudluğu» sözləri əlavə edilmişdir.

 

 

 

Bu xəbər 2747 dəfə oxunub

Oxşar xəbərlər:

• - Azərbaycan Nazirlər Kabineti "Tibbi-sosial ekspertiza müayinəsinə göndərişlərin verilməsi Qaydaları”nı təsdiq edib.
• - 71. Azərbaycan Respublikasında insanın immunçatışmazlığı xəstəliyinin (AİDS)* yayılmasının qarşısının alınmasına dair “MİLLİ STRATEJİ PLAN”ın təsdiqlənməsinə dair Azərbaycan Respublikası Nazirlər Kabinetinin Sərəncamı, 2002-ci il
• - 70. “2011-2015-ci illər üçün yoluxucu xəstəliklərin immunoprofilaktikasına dair Tədbirlər Proqramı”nın təsdiq edilməsi haqqında Azərbaycan Respublikası Nazirlər Kabinetinin Qərarı, 2010-cu il
• - 69. "Ətrafdakıları vərəmlə yoluxdurmaq təhlükəsi olan şəxslərin işləməsi qadağan olunan peşə və vəzifələrin Siyahısı"nın təsdiq edilməsi haqqında Azərbaycan Respublikası Nazirlər Kabinetinin Qərarı, 2003-cü il
• - 68. "Daimi yaşayış yeri olmayan, ətrafdakılar üçün təhlükə törədən vərəm xəstəliyinə tutulmuş şəxslər üçün təşkil olunan xüsusi xəstəxana-internatlara xəstələrin göndərilməsi və qəbulu Qaydası"nın təsdiq edilməsi haqqında Azərbaycan Respublikası Nazirlər Kabinetinin Qərarı, 2003-cü il
• - 67. “2011-2015-ci illər üçün vərəmlə mübarizə üzrə Tədbirlər Proqramı”nın təsdiq edilməsi haqqında Azərbaycan Respublikası Nazirlər Kabinetinin Qərarı, 2010-cu il
• - 66. Transplantasiya obyekti olan orqan və (və ya) toxumaların Siyahısının təsdiq edilməsi haqqında Azərbaycan Respublikası Nazirlər Kabinetinin Qərarı, 2000-ci il
• - 65. Şəkərli diabet xəstəliyinə tutulmuş şəxslərə göstərilən illik tibbi yardımın (0 cümlədən zəruri olan müayinələrin) həcmi, inyeksiya vasitələrinin, insulin və digər şəkərsalıcı dərman preparatlarının, özünənəzarət vasitələrinin siyahısı və miqdarı"nın və "Şəkərli diabet xəstəliyinə tutulmuş şəxslərin insulin və digər şəkərsalıcı dərman preparatları, inyeksiya və özünənəzarət vasitələri ilə təminatı Qaydası"nın təsdiq edilməsi haqqında Azərbaycan Respublikası Nazirlər Kabinetinin Qərarı, 2005-ci il
• - 64. “Şəkərli diabet üzrə Dövlət Proqramı”nın təsdiq edilməsi haqqında Azərbaycan Respublikası Nazirlər Kabinetinin Qərarı, 2005-ci il
• - 63. “2011-2015-ci illər üçün şəkərli diabet üzrə Tədbirlər Proqramı”nın təsdiq edilməsi haqqında Azərbaycan Respublikası Nazirlər Kabinetinin Qərarı, 2010-cu il
• - 62. Psixi pozuntu nəticəsində şəxsin ayrı-ayrı peşə növlərində və yüksək təhlükə mənbəyi ilə bağlı işlərdə fəaliyyətin yerinə yetirilməsi üçün yararsız hesab edilməsinə əsas verən psixiatriya əks-göstərişlərin Siyahısının təsdiq edilməsi haqqında Azərbaycan Respublikası Nazirlər Kabinetinin Qərarı, 2003-cü il