XƏBƏRLƏR

57. “Narkomanlığın profilaktikası və müalicəsi üçün Tədbirlər Planı”nın təsdiq edilməsi barədə Azərbaycan Respublikası Nazirlər Kabinetinin Sərəncamı, 2010-cu il

  

“Narkomanlığın profilaktikası və müalicəsi üçün Tədbirlər Planı”nın təsdiq edilməsi barədə

 

AZƏRBAYCAN RESPUBLİKASININ NAZİRLƏR KABİNETİNİN SƏRƏNCAMI

 

Azərbaycan Respublikası Səhiyyə Nazirliyinin təklifini nəzərə alaraq, narkomanlığın profilaktikasını və müalicəsini təmin etmək məqsədi ilə:

1. “Narkomanlığın profilaktikası və müalicəsi üçün Tədbirlər Planı” təsdiq edilsin (əlavə olunur).

2. Bu sərəncam imzalandığı gündən qüvvəyə minir.

 

 

Azərbaycan Respublikasının Baş naziri A. RASİ-ZADƏ

 

Bakı şəhəri, 25 fevral 2010-cu il

                      № 44s

 

 

Azərbaycan Respublikası Nazirlər

Kabinetinin 2010-cu il 25 fevral tarixli

44s nömrəli sərəncamı ilə

TƏSDİQ EDİLMİŞDİR

 

Narkomanlığın profilaktikası və müalicəsi üçün

Tədbirlər Planı

 

Sıra №-si	Tədbirin adı	İcraçı orqanlar	İcra müddəti
1	2	3	4
1.	Narkomanlığa mübtəla olmuş şəxslərin müalicəsi və sonrakı sosial reabilitasiya problemlərinin həlli yollarını yenidən nəzərdən keçirmək, müasir elmi nailiyyətlər və bu sahədəki qabaqcıl təcrübə nəzərə alınmaqla, yeni üsul və metodların hazırlanması	Səhiyyə Nazirliyi	mütəmadi
2.	Narkomaniyanın müalicəsi məqsədi ilə müalicə-reabilitasiya mərkəzinin yaradılması məsələsinə baxılması	Səhiyyə Nazirliyi	2010-2012
3.	Narkomanlıq xəstəliyinə tutulmuş, müalicə olunmaq istəyən şəxslərə yardım etmək üçün müvafiq müalicə reabilitasiya mərkəzlərinin və anonim müalicə kabinetlərinin təşkil edilməsi	Səhiyyə Nazirliyi	2010-2011-ci illər
4.	Biokimyəvi diaqnostika testlərini və narkotiklərdən istifadə edən şəxsləri aşkara çıxarmağın tibbi-texniki vasitə və metodlarını təkmilləşdirmək üçün müvafiq tədqiqat işlərinin aparılması, bu sahədə xarici ölkələrin təcrübəsindən istifadə edilməsi və mövcud test və texniki avadanlıqların əldə edilməsi perspektivlərinin öyrənilməsi	Səhiyyə Nazirliyi	mütəmadi
5.	Narkotik vasitələrin qeyri-tibbi qəbul edilməsinə yol verən şəxslərin aşkara çıxarılmasına dair həkim, müəllim, hüquq mühafizə orqanları işçiləri və valideynlər üçün metodik tövsiyələrin hazırlanması	Səhiyyə Nazirliyi, Təhsil Nazirliyi, Daxili İşlər Nazirliyi, Respublika Baş Prokurorluğu	2010-cu il
6.	Narkomaniya vəziyyəti və onunla mübarizə tədbirlərinin nəticələri və onlar barədə əhalinin geniş şəkildə məlumatlandırılmasını təmin etmək üçün ekran-efir və çap məlumatlarının yaradılması, kütləvi informasiya vasitələrinin imkanlarından istifadə edilməsi, xüsusi ədəbiyyatların və digər əyani vəsaitlərin hazırlanması və nəşri	Səhiyyə Nazirliyi	mütəmadi
7.	Xarici ölkələrin mütərəqqi təcrübəsindən faydalanmaqla, yeniyetmə və gənclərdə sabit antinarkotik yönümün formalaşdırılması üzrə ali, orta və orta-ixtisas tədris müəssisələrində, ixtisasartırma və təkmilləşdirmə institutlarında tədris təlim proqramlarına narkomanlığın zərəri haqqında əlavə kurs və ya mövzuların daxil edilməsi və həmin müəssisələrdə mühazirələrin, seminarların və treninqlərin təşkili	Səhiyyə Nazirliyi, Təhsil Nazirliyi	mütəmadi
8.	Narkotik maddələrin qəbulu ilə bağlı neqativ əməllərin aradan qaldırılması istiqamətində məqsədyönlü fəaliyyətin inkişafına yönəldilmiş kompleks tədbirlər planının hazırlanması və həyata keçirilməsi	Səhiyyə Nazirliyi	2010-2011-cu illər
9.	Narkotik və psixotrop maddələrin alınmasına, saxlanılmasına, satılmasına və təyinatı üzrə istehlakına nəzarətin gücləndirilməsi	Səhiyyə Nazirliyi, Daxili İşlər Nazirliyi	mütəmadi
10.	Xidməti vəzifələrinə görə narkotik vasitələrlə işləyən, onları əldə etmək imkanı olan şəxslərin işə qəbul edilməzdən əvvəl və sonra vaxtaşırı narkoloji müayinədən keçirilməsi qaydalarının, iş yerlərinin siyahılarının hazırlanması	Səhiyyə Nazirliyi, Daxili İşlər Nazirliyi, Əmək və Əhalinin Sosial Müdafiəsi Nazirliyi, Respublika Baş Prokurorluğu, Azərbaycan Həmkarlar İttifaqları Konfederasiyası	2010-cu il
11.	Narkotik vasitələrdən sui istifadələrin miqyasının öyrənilməsi, narkotik xammalın qeyri-qanuni istehsalının təhlili və proqnozlaşdırılması, narkotik tərkibli bitkilərin məhv edilməsinin yeni texnologiyasının işlənilməsi və tətbiq edilməsi, habelə narkomanlığın inkişafı nəticəsində əmələ gələn itkilərin müəyyən edilməsi, narkotiklərin yayılmasına qarşı əks təsirin maliyyə və məsrəflərinin hesablanması, optimal variantların işlənilməsinə dair sosioloji və elmi tədqiqat işlərinin təşkil edilməsi və aparılması	Milli Elmlər Akademiyası, Səhiyyə Nazirliyi, Daxili İşlər Nazirliyi, Kənd Təsərrüfatı Nazirliyi	mütəmadi
12.	Profilaktika, müalicə və reabilitasiya üsullarının keyfiyyətinin yüksəldilməsi və növlərinin artırılması məqsədi ilə müalicə standartlarının tibbi protokollarının və metodik tövsiyələrin hazırlanması	Səhiyyə Nazirliyi	2010-2011-cu illər
13.	Narkoloji tibbi xidmətin keyfiyyətinin və səmərəliliyinin artırılması məqsədi ilə mövcud narkoloji xidmətin strukturuna yenidən baxılması və bölgələrdə ambulator müalicə-məsləhət xidmətinin və onun funksional vəzifələrinin təşkil edilməsi	Səhiyyə Nazirliyi	2010-cu il
14.	Orta-ixtisas və ali tibbi təhsil müəssisələri tərəfindən həkim-narkoloqların, tibbi psixoloqların, sosial işçilərin hazırlanması və təkmilləşdirilməsi məqsədi ilə tədris proqramlarının yenidən işlənilməsi, müvafiq kafedraların, təlim və tədris kurslarının yaradılması	Səhiyyə Nazirliyi, Təhsil Nazirliyi	2010-2012-ci illər
15	Məhkəmə tərəfindən barəsində tibbi xarakterli məcburi tədbirlər təyin edilmiş cəzaçəkmə müəssisələrində cəza çəkən narkoloji xəstə məhkumlara məcburi müalicənin aparılması Qaydaları"nın hazırlanması və təsdiq edilməsi	Səhiyyə Nazirliyi, Ədliyyə Nazirliyi	2010-2011-cu illər
16.	Avropa Birliyinin Narkotiklərlə Mübarizə Mərkəzinin standartlarına uyğun olan narkoloji xəstəliklərin yeni qeydiyyat göstəricilərinin (yeni narkoloji reyestr), görülən işləri qiymətləndirmə və inkişaf mexanizmlərinin müəyyən edilməsi və yeni hesabat formalarının hazırlanması	Səhiyyə Nazirliyi	2010-cu il
17.	Cinayət törətmiş narkoloji xəstələrə alternativ cəzanın Azərbaycan Respublikasında tətbiq edilə bilməsi barədə müzakirələrin aparılması və Qanun layihəsinin işlənib hazırlanması üçün təkliflərin müvafiq orqanlara verilməsi	Səhiyyə Nazirliyi, Ədliyyə Nazirliyi	2010-cu il
18.	Beynəlxalq təşkilatlar və ictimai qurumlar tərəfindən narkomanlıq xəstəliyinə düçar olan şəxslərin sağlamlığının qorunması, onlar arasında maarifləndirmə işinin təşkili, ağır yoluxucu xəstəliklərin (QİÇS, Hepatitlər B və C, zöhrəvi xəstəliklər və s.) yayılmasının qarşısının alınması məqsədi ilə zərərin azaldılması proqramlarının (əvəzedici müalicə, şprislərin və digər tibbi ləvazimatların paylanılması və dəyişdirilməsi proqramları, qeyd edilən xəstələr arasında maarifləndirmə, xəbərdaredici və s. tədbirlərin keçirilməsi) geniş şəkildə tətbiq edilməsi	Səhiyyə Nazirliyi	mütəmadi

 

 

 

Bu xəbər 3098 dəfə oxunub

Oxşar xəbərlər:

• - Azərbaycan Nazirlər Kabineti "Tibbi-sosial ekspertiza müayinəsinə göndərişlərin verilməsi Qaydaları”nı təsdiq edib.
• - 71. Azərbaycan Respublikasında insanın immunçatışmazlığı xəstəliyinin (AİDS)* yayılmasının qarşısının alınmasına dair “MİLLİ STRATEJİ PLAN”ın təsdiqlənməsinə dair Azərbaycan Respublikası Nazirlər Kabinetinin Sərəncamı, 2002-ci il
• - 70. “2011-2015-ci illər üçün yoluxucu xəstəliklərin immunoprofilaktikasına dair Tədbirlər Proqramı”nın təsdiq edilməsi haqqında Azərbaycan Respublikası Nazirlər Kabinetinin Qərarı, 2010-cu il
• - 69. "Ətrafdakıları vərəmlə yoluxdurmaq təhlükəsi olan şəxslərin işləməsi qadağan olunan peşə və vəzifələrin Siyahısı"nın təsdiq edilməsi haqqında Azərbaycan Respublikası Nazirlər Kabinetinin Qərarı, 2003-cü il
• - 68. "Daimi yaşayış yeri olmayan, ətrafdakılar üçün təhlükə törədən vərəm xəstəliyinə tutulmuş şəxslər üçün təşkil olunan xüsusi xəstəxana-internatlara xəstələrin göndərilməsi və qəbulu Qaydası"nın təsdiq edilməsi haqqında Azərbaycan Respublikası Nazirlər Kabinetinin Qərarı, 2003-cü il
• - 67. “2011-2015-ci illər üçün vərəmlə mübarizə üzrə Tədbirlər Proqramı”nın təsdiq edilməsi haqqında Azərbaycan Respublikası Nazirlər Kabinetinin Qərarı, 2010-cu il
• - 66. Transplantasiya obyekti olan orqan və (və ya) toxumaların Siyahısının təsdiq edilməsi haqqında Azərbaycan Respublikası Nazirlər Kabinetinin Qərarı, 2000-ci il
• - 65. Şəkərli diabet xəstəliyinə tutulmuş şəxslərə göstərilən illik tibbi yardımın (0 cümlədən zəruri olan müayinələrin) həcmi, inyeksiya vasitələrinin, insulin və digər şəkərsalıcı dərman preparatlarının, özünənəzarət vasitələrinin siyahısı və miqdarı"nın və "Şəkərli diabet xəstəliyinə tutulmuş şəxslərin insulin və digər şəkərsalıcı dərman preparatları, inyeksiya və özünənəzarət vasitələri ilə təminatı Qaydası"nın təsdiq edilməsi haqqında Azərbaycan Respublikası Nazirlər Kabinetinin Qərarı, 2005-ci il
• - 64. “Şəkərli diabet üzrə Dövlət Proqramı”nın təsdiq edilməsi haqqında Azərbaycan Respublikası Nazirlər Kabinetinin Qərarı, 2005-ci il
• - 63. “2011-2015-ci illər üçün şəkərli diabet üzrə Tədbirlər Proqramı”nın təsdiq edilməsi haqqında Azərbaycan Respublikası Nazirlər Kabinetinin Qərarı, 2010-cu il
• - 62. Psixi pozuntu nəticəsində şəxsin ayrı-ayrı peşə növlərində və yüksək təhlükə mənbəyi ilə bağlı işlərdə fəaliyyətin yerinə yetirilməsi üçün yararsız hesab edilməsinə əsas verən psixiatriya əks-göstərişlərin Siyahısının təsdiq edilməsi haqqında Azərbaycan Respublikası Nazirlər Kabinetinin Qərarı, 2003-cü il