XƏBƏRLƏR
- 5/6/2023 Salyan rayonunda uşaqlara qarşı zorakılıqla mübarizəyə həsr olunmuş maarifləndirmə tədbiri təşkil olunub
Salyan rayonunda uşaqlara qarşı zorakılıqla mübarizəyə
həsr olunmuş maarifləndirmə tədbiri təşkil olunub
Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Uşaqlara qarşı zorakılığa son deyək!” adlı maarifləndirmə kampaniyasının təşkili” layihəsini həyata keçirən “Ümman” Əlilliyi Olan Uşaqlara Qayğı İctimai Birliyi tərəfindən yekun maarifləndirmə tədbiri Salyan Rayon Heydər Əliyev Mərkəzində təşkil olunub.
Salyan Rayon İcra Hakimiyyətinin nümayəndəsi Məhərrəm Məmmədov açılış nitqi çıxış edərək iştirakçıları salamlayıb və rayonunda fəaliyyət göstərən “Murad” İctimai Birliyi ilə birgə keçirilən tədbirin işinə uğurlar arzulayıb.
Birliyin sədri Şükufə Məmmədova çıxışında müasir dövr üçün aktuallıq kəsb edən sosial problemlərindən biri olan uşaqlara qarşı zorakılıqla mübarizə mövzusuna həsr olunan layihəyə dəstək verən QHT Agentlyinə, habelə Ombudsman tərəfindən mayın 18-dən iyunun 18-ə kimi ölkədə elan olunan “İnsan Hüquqları Aylığı” çərçivəsində belə bir vacib tədbirin keçirilməsi üçün yaradılan şəraitə görə Salyan Rayon İcra Hakimiyyətinə təşəkkürünü bildirib.
Layihə rəhbəri Səkinə Məmmədbəyova diqqətə çatdırıb ki, “Uşaqlara qarşı zorakılığa birlikdə son deyək!” devzi altında keçirilən tədbirin əsas məqsədi hədəf qrupuna daxil olan şəxslərin zorakılıqla mübarizə məsələləri ilə bağlı məlumatlılıq səviyyəsinin artırılmasına nail olmaqla cəmiyyətdə mövcud olan bir sıra neqativ halların qarısının alınmasına töhfə verməkdir.
Salyan Rayon İcra Hakimiyyətinin Yetkinlik yaşına çatmayanların işləri və hüquqlarının müdafiəsi üzrə komissiyanın uşaqlarla iş üzrə məsləhətçi-psixoloqu Sevinc Səmədova, Salyan Rayon Heydər Əliyev Mərkəzinin direktoru Nübar Bayramova, “İnklüziv Cəmiyyət Naminə” İctimai Birliyinin sədri Ramilə Mahmudova, “Murad” İctimai Birliyinin sədri Rəsmiyyə Səmədova, “Salyan Rayon Ziyalılar” İctimai Birliyinin sədri Allahverdi Piriyev, eləcə də digərləri ölkəmizdə uşaq hüquqlarının təmini, o cümlədən zorakılıqla mübarizə sahəsində həyata keçirilən tədbirlər barədə fikirlərini bölüşüblər.
Çıxış edən natiqlər böyük minnətdarlıq hissi ilə vurğulayıblar ki, gələcəyimiz olan uşaqların hüquq və azadlıqlarının təmini məsələləri möhtərəm Prezidentimiz cənab İlham Əliyevin və Birinci vitse-prezidentimiz, Heydər Əliyev Fondunun prezidenti xanım Mehriban Əliyevanın daim diqqət mərkəzindədir.
Daha sonra tədbirə ekspert qismində dəvət olunan məişət zorakılığından zərər çəkmiş uşaqlarla sosial iş üzrə təcrübəli mütəxəssis Gülnaz Məmmədli uşaqlara qarşı məişət zorakılığının anlayışı, növləri, baş vermə səbəbləri, onun daha çox ehtimalı olunduğu yerlər, qarşısının alınması yolları, risk qrupları, nikah yaşı, ekrən evlilik problemləri, uşaqların hüquq və mənafeləri, onların müdafiəsi sahəsində valideynlərin hüquq və vəzifələri, uşaq qaynar xətt xidmətləri, habelə digər mühüm məsələlər üzrə maraqlı təqdimatlar edib. Bir da qeyd olunub ki, insan hüquqlarının kobud şəkildə pozulması ilə nəticələnən məişət zorakılığının törədilməsində təqsirli olan şəxslər qanunvericiliklə müəyyən olunmuş qaydada inzibati və cinayət məsuliyyəti daşıyırlar.
Layihənin fəaliyyət planına əsasən hazırlanaraq çap etdirilmiş buklet iştirakçılara təqdim olunub və tədbir diskusiya şəraitində başa çatıb.
İnformasiya yayımı xidməti
#UşaqHüquqları #ZorakılığaBirlikdəSonDeyək #İnsanHüquqlarıAylığı
Əlil Təşkilatları İttifaqı
Bu xəbər 348 dəfə oxunub
1.jpg)
