XƏBƏRLƏR

29/3/2022 Birləşmiş Ərəb Əmirlikləri ilə sosial sahədə gələcək əməkdaşlıq müzakirə olunub

Birləşmiş Ərəb Əmirlikləri ilə sosial sahədə gələcək

əməkdaşlıq müzakirə olunub

Azərbaycan Respublikasının Əmək və Əhalinin Sosial Müdafiəsi Nazirliyi ilə Birləşmiş Ərəb Əmirliklərinin (BƏƏ) İcma İnkişafı Nazirliyi arasında ikitərəfli əməkdaşlığın qurulması üçün geniş imkanlar mövcuddur.

Bu fikir BƏƏ-nin Dubay şəhərində keçirilən VIII Dünya Hökumətləri Sammiti çərçivəsində əmək və əhalinin sosial müdafiəsi naziri Sahil Babayevlə BƏƏ-nin icma inkişafı üzrə naziri xanım Hessa Bint Essa Buhumaidin görüşündə vurğulanıb.

Azərbaycanla BƏƏ arasında ikitərəfli münasibətlərin yüksək səviyyədə olduğunu vurğulayan S.Babayev siyasi, iqtisadi və digər sahələrdə, o cümlədən bərpa olunan enerji istehsalı sahəsində uğurlu əməkdaşlıq təcrübəsiniin mövcud olduğunu diqqətə çatdırıb.

Xanım H.B.E.Buhumaidin 2019-cu ilin iyun ayında Azərbaycana etdiyi səfəri məmnunluqla qeyd edən nazir ölkəmizdə sosial sahədə aparılan islahatlar, sosial təminat sisteminin innovativ yanaşmalar, müasir və şəffaf iş mexanizmləri əsasında təkmilləşdirilməsi işləri barədə məlumat verib.

Dövlət sosial xidmətlərinin  əhaliyə “bir pəncərə”dən, operativ, şəffaf və vətəndaş məmnunluğuna uyğun təqdim edilməsinə imkan verən DOST layihəsini, həmçinin nazirliyin e-infrastruktur üzərindən proaktiv xidmətlərin qurulması təcrübəsini qeyd edib.

Əmək, məşğulluq, sosial müdafiə sahələrində tətbiq olunan innovativ yeniliklərdən, aktiv əmək bazarı proqramlarının genişləndirilməsi işlərindən də bəhs edib.

Xanım H.B.E.Buhumaid ölkəsinin Azərbaycanla dostluq münasibətləri üzərində ikitərəfli əlaqələrinin daim inkişaf etdiyini vurğulayıb. Sosial sahədə də qarşılıqlı fayda verən uğurlu əməkdaşlıq təcrübəsinin formalaşdırılmasının məqsədəuyğun ola biləcəyini qeyd edib.

Görüşdə iki nazirlik arasında ikitərəfli əməkdaşlığın qurulması,  həmçinin bu əməkdaşlıq üçün müqavilə hüquq bazasının yaradılması imkanları  müzakirə olunub.

 

Əlil Təşkilatları İttifaqı

 

Bu xəbər 911 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”