XƏBƏRLƏR
- 23/9/2021 Azərbaycanda ilk dəfə onlayn jest dili lüğəti yaradılıb
Azərbaycanda ilk dəfə onlayn jest dili lüğəti yaradılıb
Heydər Əliyev Fondunun Regional İnkişaf - RİİB-in elan etdiyi “Sosial layihələr” müsabiqəsinin qaliblərindən olan “Doğma jest dili” layihəsi çərçivəsində Nar-ın maliyyə dəstəyi ilə yaradılan “jestdili.az” saytının təqdimatı keçirilib.
23 sentyabr Beynəlxalq Jest Dilləri Günündə baş tutan təqdimat mərasimə Azərbaycan Respublikası Təhsil Nazirliyi, Azərbaycan Milli Elmlər Akademiyası-nın Nəsimi adına Dilçilik İnstitutu, Azərbaycan Dövlət Pedaqoji Universiteti, Milli Observatoriya, DOST Agentliyi, “Regional İnkişaf” İctimai Birliyi və “Nar”ın nümayəndələri, layihə iştirakçıları qatılıblar.
Tədbirdə Karlara Dəstək İctimai Birliyi tərəfindən həyata keçirilən layihə çərçivəsində Əmək və Əhalinin Sosial Müdafiəsi Nazirliyi, Azərbaycan Respublikası Təhsil Nazirliyi, Azərbaycan Dövlət Pedaqoji Universiteti, Milli Observatoriya, Azərbaycan Milli Elmlər Akademiyası-nın mütəxəssisləri, dosentlər və müəllim heyəti, ‘Karlara Dəstək” İctimai Birliyinin əməkdaşlarının iştirakı ilə işçi qrupu yaradıldığı və ümumilikdə 3000-ə yaxın sözün jest dilinə tərcümə edildiyi bildirilib. Eşitmə və niqt məhdudiyyəti olan insanlar tərəfindən jestlərlə ifadə edilən sözlər “www.jestdili.az” saytında foto və video formatda yerləşdirilib.
Təqdimat mərasimində edilən bütün çıxışlar eyni zamanda jest dilinə də tərcümə edilərək qonaqların diqqətinə çatdırılıb.
Xatırladaq ki, layihənin məqsədi eşitmə və nitq qabiliyyəti məhdud olan insanların əmək fəaliyyəti ilə məşğul olma qabiliyyətinin artırılması və ətrafdakı insanlarla ünsiyyətin təşkil olunmasını nəzərdə tutan jest dili lüğətinin hazırlanmasıdır.
Əlil Təşkilatları İttifaqı
Bu xəbər 849 dəfə oxunub
1.jpg)
