XƏBƏRLƏR

23/7/2018 Nazir Sahil Babayev Lənkəran şəhərindəki bərpa mərkəzində reabilitasiya şəraiti ilə tanış olub

Nazir Sahil Babayev Lənkəran şəhərindəki bərpa mərkəzində reabilitasiya şəraiti ilə tanış olub

Əmək və əhalinin sosial müdafiəsi naziri Sahil Babayev Lənkəran şəhər İcra Hakimiyyətinin başçısı Taleh Qaraşovla birgə nazirliyin Lənkəran şəhərindəki Əlilliyi olan şəxslər üçün Regional Bərpa Mərkəzindəki reabilitasiya şəraiti ilə tanış olub. Mərkəzin kollektivi və müəssisədə reabilitasiya kursu keçən əlilliyi olan şəxslərlə görüşündə S.Babayev vurğulayıb ki, Azərbaycan Prezidenti cənab İlham Əliyevin tapşırığı əsasında əlilliyi olan şəxslər üçün reabilitasiya sisteminin müasir tələblərə uyğun qurulması işləri Əmək və Əhalinin Sosial Müdafiəsi Nazirliyinin bölgələrdəki bərpa mərkəzlərini də əhatə edir. Nazir qeyd edib ki, bir sıra bölgələrdəki əlilliyi olan şəxslər üçün bərpa mərkəzlərində bu istiqamətdə işlər aparılır. Eyni zamanda Lənkəran şəhərindəki Əlilliyi olan şəxslər üçün Regional Bərpa Mərkəzində də əsaslı təmir və yenidənqurma işləri aparılacaq. S.Babayev əlilliyi olan şəxslərin reabilitasiya potensiallarının reallaşdırılmasında konkret nəticələrə nail olunmasının, reabilitasiya səviyyəsinin yüksəldilməsinin mühüm hədəflərdən olduğunu vurğulayıb. O bildirib ki, bunun üçün bərpa mərkəzlərinin maddi-texniki bazasının və əməkdaşlarının peşəkarlıq səviyyələrinin artırılması nazirliyin əsas iş planına daxildir. Həmçinin hazırlanmaqda olan Fərdi Reabilitasiya Proqramı bu sahədə mühüm rol oynayacaq. Nazirə məlumat verilərək bildirilib ki, müəssisədə aparılan işlərin davamı kimi, burada ötən il 312, cari ilin birinci yarımilində isə 166 nəfər əlilliyi olan şəxsə tibbi reabilitasiya xidmətləri göstərilib. S.Babayev mərkəzdə yaradılan şəraitlə, Lənkəran, habelə bu bölgədəki digər rayonlarda (Biləsuvar, Cəlilabad, Yardımlı, Masallı, Astara, Lerik) yaşayan əlilliyi olan şəxslərə stasionar qaydada göstərilən bərpa müalicəsi xidmətləri, fizioterapevtik prosedurlarla yaxından tanış olub. Nazir mərkəzin fəaliyyətinin səmərəli təşkili, əlilliyi olan şəxslərə xidmətin keyfiyyətinin artırılması, onlara qayğı ilə yanaşılması və s. barədə tapşırıqlarını verib.

 

 

Bu xəbər 2037 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”