XƏBƏRLƏR

10/7/2018 Əmək və Əhalinin Sosial Müdafiəsi Nazirliyi yanında İctimai Şuranın iclasında yeni təkliflər təqdim olunub

Əmək və Əhalinin Sosial Müdafiəsi Nazirliyi yanında İctimai Şuranın iclasında yeni təkliflər təqdim olunub

Şuranın tərkibində işçi qrupları yaradılıb   Əmək və Əhalinin Sosial Müdafiəsi Nazirliyi yanında fəaliyyət göstərən İctimai Şuranın növbəti iclası keçirilib. Əmək və əhalinin sosial müdafiəsi naziri Sahil Babayev Azərbaycan Prezidenti cənab İlham Əliyevin tapşırığına əsasən, əmək və sosial müdafiə sahələrində əhaliyə xidmətlər şəbəkəsinin tam şəffaflaşdırılması və vətəndaş məmnunluğuna nail olunması üçün aparılan islahatları diqqətə çatdırıb. O, sosial müdafiə tədbirlərinin, aktiv əmək bazarı proqramlarının təşkilində və islahatlar prosesində ictimai nəzarət mexanizminin önəmini qeyd edib. Nazir İctimai Şuranın ictimai iştirakçılıq müstəvisində bu yöndə, habelə nazirliyin sosial sifarişləri üzrə ixtisaslaşmış QHT-lər tərəfindən sosial xidmət layihələrinin keyfiyyətlə yerinə yetirilməsinə ictimai nəzarətin həyata keçirilməsində, fəaliyyət sahələrində şəffaflığın təmin olunması işlərində yaxından dəstək verməsinin vacibliyini diqqətə çatdırıb. S.Babayev bildirib ki, Şurada geniş əhali qruplarını əhatə edən 15 vətəndaş cəmiyyəti institutu təmsil olunur. Sosial müdafiə və aktiv məşğulluq tədbirlərinin hazırlanması və icra mexanizminin həmin əhali qruplarının mənafelərinə uyğun təkmilləşdirilməsində, nöqsan və çatışmazlıqların aşkar edilməsi və aradan qaldırılmasında, habelə müvafiq istiqamətlər üzrə izahat və maarifləndirmənin aparılmasında Şuranın fəal iştirakı çox önəmlidir. Əmək, məşğulluq, sosial müdafiə sahələrində həyata keçirilən tədbirlərə ictimai nəzarətin və bu sahələrdə şəffaflığın təmin olunmasında, nöqsan və çatışmazlıqların aşkar edilərək aradan qaldırılmasında, müvafiq qanunvericilik aktlarının təkmilləşdirilməsində İctimai Şuranın nazirlik ilə birgə fəaliyyətinin daha səmərəli və məqsədyönlü təşkili üçün təkliflər müzakirə olunub. İctimai Şuranın tərkibində ayrı-ayrı fəaliyyət sahələri üzrə işçi qrupları yaradılıb.

 

Bu xəbər 2587 dəfə oxunub

Oxşar xəbərlər:

• - Əlilliyi olan insanların mövcud problemləri və onların həlli yolları"
• - GÜLƏN ÇOCUQ FESTİVALI
• - "İnkluziv ədalət” regionlarda
• - İnkluziv ədalət
• - Əlilliyi olan şəxslərin məşğulluğunun təmini
• - “Layihə Univerisiteti”nin təlimi davam edir
• - “Əlilliyi olan şəxslərin reabilitasiyası və sosial müdafiəsi: problemlər və perspektivlər”
• - Özünüməşğulluq proqramı çərçivəsində yaradılan ailə təsərrüfatları ölkədə kiçik ailə biznesinin genişlənməsinə şərait yaradıb (VİDEO)
• - Beynəlxalq Qramaski Təşkilatının və “Zaparoji Kazakları”-nın (BGT ZK) Ali Məclisinin Konkfansı
• - Sosial Xidmətlər Agentliyi
• - "Xəstəlik, əlillik və ya ahıllıqla əlaqədar özünəqulluq qabiliyyəti olmayan şəxslərə qulluq və kömək göstərə biləcək qohumların olmamasının müəyyən edilməsi Qaydası"nın təsdiq edilməsi barədə