XƏBƏRLƏR

21/8/2015 “Autizm sindromlu uşaqların yaradıcılıq qabiliyyətinin inkişaf etdirilməsi və kompüter təlimi”

qhtxeber.az//   “Autizm Defektoloji və Psixoloji Yardım Mərkəzi” (ADPYM) İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyilə “Autizm sindromlu uşaqların yaradıcılıq qabiliyyətinin inkişaf etdirilməsi və kompüter təlimi” adlı layihəsinin icrasını uğurla davam etdirir.

 

qhtxeber.az-ın məlumatına görə, layihənin məqsədi autizm sindromlu uşaqların yaradıcılıq imkanları, bilik və bacarıqlarının müəyyənləşdirilib inkişaf etdirilməsi, kompüterdən istifadə qaydalarının mənimsənilməsi, valideynlərin maarifləndirilməsi, layihə iştirakçılarında sosial aktivliyin yaradılması, onların sosial aktiv vətəndaş kontingentinə adaptasiya olunması missiyasından ibarətdir.

 

İctimai Birlik layihə çərçivəsində Müasir İnnovasiyalar Liseyində “Autizm nədir?” mövzusunda seminar keçirib. Seminarda Müasir İnnovasiyalar Liseyinin müəllim kollektivi, fəal gənclər, QHT üzvləri iştirak ediblər.

 

Tədbiri giriş sözü ilə Müasir İnnovasiyalar Liseyin direktoru Serhat Kalmaz açıb, tədbir iştirakçılarını salamlayıb, mövzunun aktuallığından bəhs edib.

İctimai Birliyin sədri, layihə koordinatoru Çiçək Məmmədli çıxışında layihə barəsində geniş məlumat verib. Ç. Məmmədli autizm sindromlu uşaqlarda yaradıcılıq qabiliyyətinin aşkarlanması üçün istifadə edilən reabilitasiya üsullarından, ölkəmizdə bu sahədə görülən işlərdən, fəaliyyət göstərən təcrübəli mütəxəssislərin uğurlu nəticələrindən danışıb.

 

Müasir İnnovasiyalar Liseyinin direktor müavini Sevinc Əliyeva “Autik uşaqlarla davranış qaydaları” mövzusunda çıxış edib, bu uşaqların spesifik xüsusiyyətlərindən danışıb: “Autist uşaqlar digər uşaqlarla ünsiyyət qura bilmirlər və onların əlaqəyə reaksiyası digər insanların nöqteyi-nəzərincə parodoksaldır. Ən çox rast gəlinən təzahürü qarşısındakının gözünə baxmaqdan yayınmaq, ünsiyyətə qoşulmaqdan çəkinməkdir. Əslində onlarda ünsiyyətə girmək tələbatı var. Buna görə belə uşaqları ünsiyyətə daxil olmağa məcbur etmək, israrlı olmaq lazımdır”.

 

“Autizm nədir?” mövzusundakı təqdimatını tədbir iştirakçılarına təqdim edən “Autizm Defektoloji və Psixoloji Yardım Mərkəzi”nin pedaqoq-psixoloqu Qumru Səlimova autizm sindromunda psixoloji və pedaqoji işin vacibliyini vurğulayıb.

 

Tibb Müəsissələrində İstehlakçı Hüqüqları Komissiyasının sədri, valideyn Əhməd Rəhmanov “Autizm sindromdur, yoxsa xəstəlik? Autizmin reabilitasiyası” mövzusundakı çıxışında autizm sindromunun tarixindən, etiologiya və epidemiologiyasından söhbət açıb, autizm sindromunun hərtərəfli reabilitasiya üsullarından istifadə edilərək müalicə olunmasının vacibliyini dilə gətirib.

 

Tədbirin sonunda geniş interaktiv müzakirələr keçirilib.

 

Esmira Rəhimova

 

Bu xəbər 3509 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”