XƏBƏRLƏR
- 5/5/2015 Əlilliyi olan şəxslərin əl işlərindən ibarət növbəti sərgi
qhtxeber.az// “İstedadlı Əlillər” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Fiziki məhdudiyyəti olan istedadlı insanların cəmiyyətə inteqrasıyasına dəstək” adlı layihəsini uğurla davam etdirir.
qhtxeber.az-ın məlumatına görə, layihə fiziki məhdudiyyəti olan istedadlı şəxslərin yaradıcılıq imkanlarının inkişaf etdirilməsi və cəmiyyətə inteqrasiyası ilə bağlı problemlərə həsr olunub. Layihə çərçivəsində fiziki məhdudiyyəti olan şəxslərin yaradıcılıq imkanları, bilik və bacarıqlarının müəyyənləşdirilib inkişaf etdirilməsi və üzə çıxarılması işlərinin həyata keçirilməsi nəzərdə tutulub. Bundan əlavə, layihə iştirakçılarında sosial aktivliyin yaradılması, onların sosial aktiv vətəndaş kontingentinə adaptasiyası missiyası da görüləcək işlər siyahısında yer alıb.
Layihənin keçirilməsində əsas məqsəd fiziki məhdudiyyəti olan şəxslərin yaşadığı problemlərin həllinə köməklik göstərmək, parlaq gələcək qurmaqda onlara yardımçı olmaq, cəmiyyətin bu məsələyə diqqətini yönəltmək, sosial aktiv vətəndaşları bu fəaliyyətə cəlb etməkdir. Fiziki məhdudiyyəti olan şəxslərin özlərinin də ictimai fəaliyyətdə aktivlik göstərməsi, müxtəlif layihələrdə iştirakı, sosial aktivliyi layihənin məqsədləri sırasındadır.
Layihə çərçivəsində Azərbaycan Xalça Muzeyində Ümummilli lider Heydər Əliyevin anadan olmasının 92-ci ildönümü münasibətilə “İstedadlı Əlillər” İctimai Birliyinin II və III qrup əlillərinin əl işlərindən ibarət satış sərgisi təşkil olunub. 6-55 yaşarası əlil insanların əl işlərinin nümayiş olunduğu satış sərgisinə 200-dək nümunə çıxarılıb. Bunlar taxtadan oymalar, xovlu-xovsuz xalçalar, yağlı boya ilə işlənən sadə və rəngli rəsm işləridir.
Sərginin keçirilməsində əsas məqsəd fiziki qüsurlu insanlara həm maddi, həm mənəvi dəstək olmaqdır.
Bu xəbər 3121 dəfə oxunub
1.jpg)
