XƏBƏRLƏR

18/12/2014 “Eşitmə və nitq qabiliyyəti zəif olan və ya olmayan sağlamlıq imkanları məhdud uşaqlar üçün surdaloji xidmət mərkəzinin yaradılması və fəaliyyəti” adlı layihəsinin yekun hesabatı

“Eşitmə və nitq qabiliyyəti zəif olan və ya olmayan sağlamlıq imkanları məhdud uşaqlar üçün surdaloji xidmət mərkəzinin yaradılması və fəaliyyəti” adlı layihəsinin yekun hesabatı 

 

Tarix: 2014-12-17

Layihənin əsas məqsədi kimi eşitmə və nitq qabiliyyəti zəif olan sağlamlıq imkanları məhdud uşaqlara surdaloji xidmət mərkəzi yaradılmaqla həmin uşaqların informasiya almaq hüquqlarının təmin edilməsi, bilik və bacarıqlarının inkişaf etdirilməsi və surda-tərcüməçi ixtisasının inkişaf etdirilməsi üçün təlimlərin təşkilindən, eləcə də bu sahədə mövcud problemlərin həlli istiqamətində təkliflərin verilməsi müəyyən edilmişdir. 6 ay müddətində həyata keçirilmiş layihə çərcivəsində eşitmə və nitq qabiliyyəti olmayan SİMU-da ünsiyyət, özünəxidmət və sadə əmək vərdişləri formalaşdırılmış, surdo-tərcüməçi ixtisası üzrə peşə hazılğı ilə bağlı kurslar təşkil edilmiş, “Eшитмя вя нитг габилиййяти олмайан ушагларын тядрис-тярбийя методолоэийасы” kitabı nəşr edilmiş, eşitmə və nitq qabiliyyəti olmayan uşaqların valideynlərinə sosial – hüquqi məsləhət xidmətləri göstərilmişdir. Layihənin icra planına uyğun olaraq 17 dekabr 2014-cü il tarixdə saat 11:00-da Beynəlxalq Mətbuat Mərkəzində “Eşitmə və nitq qabiliyyəti zəif olan sağlamlıq imkanları məhdud uşaqlar üçün surdaloji xidmət mərkəzinin yaradılması və fəaliyyəti” adlı layihə ilə bağlı yekun tədbir keçirilmişdir. Tədbirdə layihənin icrasına dair hesabat verilmiş, “Eшитмя вя нитг габилиййяти олмайан ушагларын тядрис-тярбийя методолоэийасы” kitabının və SHAİB-in rəsmi internet saytının (www.rsr.az) təqdimatı olmuş, jest dili kursunu bitirənlərə sertifikatlar təqdim olunmuşdur. Tədbiri giriş sözü ilə “Sosial Hüquqların Araşdırılması” İctimai Birliyinin (SHAİB) sədri, BDU-nin professoru Mayis Əliyev açaraq layihə çərçivəsində görülmüş işlər haqqında məlumat vermişdir. Tədbirdə Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Sosial Təminat Xidmətinin Sosial xidmətin təşkili sektorunun müdiri Vüqar Behbudov, Azərbaycan Respublikasının İnsan Hüquqları üzrə Müvəkkilinin (Ombudsmanın) əlilliyi olan şəxslərin hüquqları üzrə müşaviri Müqalib Mahmudov, Əlil Təşkilatları İttifaqının prezdineti Davud Rəhimli və digərləri çıxış etmişlər. Müzakirələr nəticəsində layihənin əhəmiyyəti və onun gələcəkdə davamlı olmasının zəruriliyi vurğulanmışdır. Layihənin nəticəsi olaraq hazırlanmış geniş təkliflər paketi Azərbaycan Respublikası Əmək və Əhalinin Sosial Müdafiəsi Nazirliyinə təqdim edilmişdir. 

Bu xəbər 4201 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”