XƏBƏRLƏR

8/10/2013 Nazirlikdə əlillərin hüquqlarına dair yeni stratejı addımlar atılır

 Ölkəmizdə həyata keçirilən sosial siyasətin ən mühüm istiqamətlərindən birini əlilliyi olan şəxslərin cəmiyyətdə tam iştirakının dəstəklənməsi, həyat səviyyəsinin yaxşılaşdırılması və sosial hüquqlarının təmin olunması  təşkil edir. Azərbaycan Respublikası 2008-ci ildə “Əlilliyi olan şəxslərin hüquqları haqqında” Konvensiyanı və Konvensiyanın Fakultativ  Protokolunu ratifikasiya etməklə öz üzərinə mühim öhdəliklər götürübdür. Öhdəliklərdən biri əlilliyi olan şəxslərin statusuna dair milli qanunvericiliyin həmin Konvensiyanın tələblərinə uyğunlaşdırılması, qanunlarda əlilliyi olan şəxslərlə bağlı ayrıseçkilik hallarının aradan qaldırılması, əlilliyi olan şəxslərin cəmiyyətə tam inteqrasiyası üçün real icra mexanizminə malik olan qanunvericilik aktlarının qəbul edilməsidir.
   Bu məqsədlə Əmək və Əhalinin Sosial Müdafiəsi Nazirliyinin nümayəndələri və ixtisaslaşmış vətəndaş cəmiyyətinin iştirakı ilə əlilliyi olan şəxslərin hüquqi statusunun daha dolğun müəyyən edilməsi və onların sosial müdafiəsinin daha etibarlı təminatı üçün “Əlillərin Sosial Hüquqlarının Müdafiəsinə dair Milli Fəaliyyət Planı”nın (2013-2018-ci illər) və “Əlillərin sosial müdafiəsi haqqında” Azərbaycan Respublikası Qanunun layihə sənədi hazırlanıb.
   08 oktyabr 2013-ci il tarixdə ixtisaslaşmış vətəndaş cəmiyyətləri ilə birlikdə adıçəkilən qanun və fəaliyyət planının layihəsinin müzakirəsinə dair dəyirmi masa keçirilib. Layihə sənədində əlilliyi olan şəxslərin tibbi-sosial və peşə reabilitasiyası, sosial infrastrukturdan istifadə, onların təhsili və peşə hazırlığı, əmək hüquqlarının qorunması üzrə qanunvericiliyin beynəlxalq standartlara uyğunlaşdırılması ilə bağlı geniş fikir mübadiləsi aparılıb.
   Əmək və Əhalinin Sosial Müdafiəsi nazirinin müavini Natiq Məmmədov qeyd edib ki, milli qanunvericiliyin həmin Konvensiyanın tələblərinə uyğunlaşdırılması istiqamətində çox böyük işlər görülüb. Belə ki, artıq yeni qanunun və fəaliyyət planın layihələri hazırlanaraq ixtisaslaşmış vətəndaş cəmiyyəti və dövlət orqanları razılaşdırılıb.
   Qeyd edilib ki, Konvensiyanın tələblərinə uyğun hazırlanan “Əlillərin sosial müdafiəsi haqqında” yenidən hazırlanan qanun layihəsi əlilliyi olan insanlara cəmiyyətdə ayrı-seçkilik aradan qaldırılacaq və cəmiyyətin bərabər hüquqlu üzvləri kimi bərabər imkanlardan yararlana biləcəklər.
   Vətəndaş cəmiyyətinin nümayəndələri bildirdilər ki, “Əlillərin Sosial Hüquqlarının Müdafiəsinə dair Milli Fəaliyyət Planı”nında (2013-2018-ci illər) illik büdcəsi nəzərdə tutulmalı, əlilliyi olan şəxslərin əmək fəaliyyəti ilə məşğul ola bilmələri üçün dövlət dəstəyi məsələləri geniş yer almalıdır.
   Əmək və Əhalinin Sosial Müdafiəsi nazirinin müavini Natiq Məmmədovun sözlərinə görə, müzakirələr intensivləşdiriləcək və hər iki layihə sənədi ilin sonuna kimi Milli Məclisin müvafiq Komitəsinə təqdim olunacaqdır. 

Bu xəbər 3481 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”