XƏBƏRLƏR

19/9/2012 ƏNGƏLLƏRİ AŞA BİLƏRİK (Şərq qəzeti)

"Gülsam" əlillərə çörək qazanmanın yolunu öyrədir

MÖVZU: "Qaçqın və məcburi köçkünlərin, əhalinin sosial cəhətdən qayğıya ehtiyacı olan təbəqələrinin problemlərinin həlli ilə bağlı həyata keçirilən tədbirlərin işıqlandırılması"

Bizi əhatə edən cəmiyyətdə tez-tez rastlaşdığımız əlil vətəndaşların yaşamı, problemləri, hər gün qarşılaşdıqları çətinliklər barədə çoxmu məlumatlıyıq?.. Bəzən yanından ötüb keçdiyimiz əlil insana hətta yolun o biri tərəfinə keçməkdə belə kömək göstərməyə ərinirik. Amma bu insanlar evin içində də problemlə üz-üzədirlər. Sərbəst hərəkət etmək, müəyyən bir işi istədiyi və yaxud gərəkən şəkildə edə bilməmək onları daxilən üzür, incidir. Belə hallarda onlara dayaq olacaq, dəstək verəcək insanlara hədsiz ehtiyac duyurlar. Nə yaxşı ki, onları başa düşən və köməklərinə tələsən insanlar da var, təşkilatlar, ictimai birliklər də.

   "Gülsam" Əlillərin Reabilitasiyası İctimai Birliyi belə ictimai qurumlardan biridir.

   "Gülsam" necə yarandı?

   "Gülsam" Əlillərin Reabilitasiyası İctimai Birliyi əlillərin sosial problemlərinin həlli istiqamətində işlər görür, əlil vətəndaşların həyat şəraitinin yüngülləşməsinə yönəlmiş tədbirlər həyata keçirir.

   Birliyin sədri Gülnarə Səlimovadır. Ağsu şəhərində anadan olmuş Gülnarə doğuşdan əlildir.

   Qhtxeber.az saytında G.Səlimovanın həyatı və əzmkar fəaliyyəti barədə öz dilindən danışdıqlarını oxuduqda bu gənc xanımın həyat eşqinə heyran qalmamaq olmur. Gülnarə özü və təşkilatı haqqında bunları deyir:

   - Ağsu rayonunda doğulmuşam, bu günə qədər də Ağsuda yaşayıram. İndi əlil arabasındayam. Öncə kompüterdən istifadə bacarıqlarına yiyələndim. Sonra şəkil, model şəkilləri çəkdim, çeşidli hörgülər hördüm. Bunlardan ibarət sərgilər belə açdım.

   Təhsilimi, orta məktəbi evimdə oxumaq məcburiyyətində qalmışdım. Yenə də bir şeylər etmək, heç olmasa, əlillərlə maraqlanmaq istədim. 2005-də əlillərlə daha çox maraqlandım. Əlillər üçün öz evimdə bir dərnək açmaq qərarı verdim. Çox zəhmət və çətinliklə də olsa sənədlərimi tamamladım və qeydiyyat üçün müvafiq orqana təqdim etdim. Ədliyyə Nazirliyi "Gülsam" Əlillərin Reabilitasiyası İctimai Birliyi adlı dərnəyi 01.08.2005-ci il tarixində qeydiyyata aldı və fəaliyyətə başladıq. İndi dərnəyimizin 150-dən çox üzvü var.

   Əlilləri və ailələrini əlil uşaqların məktəbə getməsinə razı salmaq üçün bütün zamanımı xərclədim. Heç də asan olmadı, çox çalışdıq. Amma bir çox uşağın evdən xilas olmasına nail oldum. Əlillərə hüquqlarını, haqlarını anlatdım.

   Azərbaycan daxilində saysız əlil uşağı və böyükləri müalicələrə göndərdim. Möhtac olmasınlar deyə, iş və çörək sahibi olsunlar deyə, kompüter kursu açdım. Çox müvəffəqiyyətli oldu. İllərlə bir çox kurslar təşkil etdim.

   Dərnəyin maddi vəziyyətini yaxşılaşdırmaq üçün əlil olmayan insanlar üçün ödənişli kompüter kursu açdım. Bu günə qədər həmin kursun 800-ə yaxın məzunu olub. Əlillərə qarşılıqsız və pulsuz, amma əlil olmayan insanlara, gəlib dərs almaq istəyənlərə ödənişli kompüter kursu verməyə davam edirəm.

   Gördüyüm işlər hökumət tərəfindən təqdir olundu və bunun üzərinə təqdim etdiyim yeni iki layihə müsbət rəy aldı.

   2010-cu ildə və 2011-ci ildə "Gülsam" Əlillərin Reabilitasiyası İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının elan etdiyi müsabiqədə qaliblərdən biri oldu. 2010-cu ildə layihə ilə kompüter kursunu inkişaf etdirdik. Bizdə məzun olan 14 əlil uşağı məktəbə götürdülər. Kurslarımız artıq 3 aylıq mərhələlər halında oldu. Hazırda 5-6 əlil tələbəylə davam edirik.

   Təşkilatımızın 2011-ci ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə həyata keçirdiyi layihə çərçivəsində əlilləri onların sosial vəziyyətini yaxşılaşdırmaq, ferma açmaq, kredit almaq, işə və sənətə yiyələnmək üçün bilgiləndirdik. Layihənin icrasıdan sonra 4 nəfər işlə təmin edildi.

   Onu da deyim ki, əlil olmayan insanlara təşkil etdiyimiz ödənişli kurslardan gələn gəlirin sayəsində kiçik tikiş fabriki açmışıq. Qarabağ müharibəsinin 2 şəhid ailəsini, 1 əlil qızını işə aldıq.

   Tək istədiyim əlillərin cəmiyyət içinə çıxa bilməsidir. Evlərə bağlanıb çarəsiz qalmamalarıdır. Ömürlərinin çürüməməsini istəyirəm. Mənim məqsədim yalnız budur.

   Əlillərin qarşısında bir çox imkanlar ola bilər. Sənətlə məşğul ola bilərlər. Yazı yaza bilərlər, şəkil çəkə bilərlər. Bununla da qismən öz problemlərinə həll tapa bilərlər. Az və ya çox bir gəlirləri olar. Heç kimin əlinə baxmazlar.

   "Bu gün fiziki olaraq əlil ola bilərəm, amma özümə az da olsa bir gəlir yaratdığım üçün, bu gün anam baxırsa, sabah bir başqasına özümü baxdıra bilərəm. Bunu söyləyirəm ki, biz əlillər əngəllərimizi aşa bilərik.

   Bütün bu problemlər türkdilli millətlər arasında da var. Bu əngəlləri həll etməmiz üçün əhəmiyyətli olan türklüyümüzü və birliyimizi unutmamağımız üçün, işləri birlikdə geniş bir şəkildə etməmiz, problemləri həll etməmiz gərəklidir".

   Bir zaman təşkilatın fəaliyyəti ilə bağlı müraciətimizə cavab olaraq redaksiyamıza göndərilən bu məktubu oxuyub "Afərin" deməmək olmur. Demək ki, cəmiyyətə hər bir halda, hər bir şəraitdə və hər bir imkanlarla faydalı olmaq mümkündür".

   "Gülsam" əlillərə yardım edir

   "Gülsam" Əlillərin Reabilitasiyası İctimai Birliyi indiyədək bir çox xeyriyyə tədbirləri həyata keçirib. Bu ilin iyun ayında "Gülsam"ın təşəbbüsü ilə 1-ci dərəcəli əlil Gəncə şəhər sakini Pərvanə Məmmədova üçün "Gülsam" ƏRİB-in üzvlərindən 2-ci dərəcəli əlil Teymur Quliyev tərəfindən 1 əlil arabası, Asəf Babaşov yardımı ilə və "Gülsam" ƏRİB-in sədri Gülnarə Səlimovanın iştirakı ilə Gəncə şəhərinə səfər edilib və Pərvanənin hədiyyəsi verilib. Gürcüstandan gətirilmiş keyfiyyətli əlil arabası 1-ci dərəcəli əlil Ağdaş rayon Dəhnə kənd sakini Şərifova Ülkərə hədiyyə edilib.

   Birliyin təşkilatçılığı və Elşad Bayramovun maddi köməkliyi ilə Gürcüstandan gətirilən keyfiyyətli əlil arabası 1-ci dərəcəli əlil Cabbarov Vüqara verilib.

   Ağsu rayonunda 05 may 2012 -ci il tarixdə Avropa Əlilliyi olan İnsanların Hüquqlarının Müdafiəsi Günü Əlil Təşkilatları İttifaqının növbəti VII Ümumi Yığıncağı keçirildi. Tədbir Ağsu rayonunda "Gülsam" Əlillərin Reabilitasiyası İctimai Birliyinin ofisində baş tutdu. Yığıncaqda Əlil Təşkilatları İttifaqının prezidenti Davud Rəhimli bir illik fəaliyyətləri barədə hesabat verdi. Tədbirdə təşkilati məsələlərə baxıldı, təşkilatın növbəti il üçün tədbirlər planı təsdiqləndi. Təşkilatın işi qənaətbəxş hesab edildi. Tədbirdə Ağsu Rayon İcra Hakimiyyətinin ictimai-siyasi şöbəsinin əməkdaşı Kənan Hacızadə, Rayon Gənclər və İdman İdarəsinin əməkdaşı Allahşükür Aslanbəyli, Əlil Təşkilatları rəhbərləri Gülnarə Hüseynova, Səmyar Abdullayev, Gülnarə Səlimova, Şəlalə Səlimova, Tariyel Həsənov, Məhluqə Rəhimova, Firuzə Babayeva çıxış etdilər. Eyni zamanda əlillərin qarşılaşdığı problemlər müzakirəyə qoyulub və problemlərin həllinə kömək edəcək təkliflər səslənib.

   "Gülsam" beynəlxalq tədbirlərə qoşulur

   "Gülsam" ƏRİB Amerika Sülh Korpusu tərəfindən Gənc Qızlar Düşərgəsinə "Məqsədə çatmaq" adlı təlimə dəvət olunub.

   Birliyin rəhbəri Gülnarə Səlimova Azərbaycanın bir neçə regionundan gəlmiş gənc xanımlara qazandığı uğurlu nailiyyətlərdən və qarşıya qoyulmuş məqsədlərindən bəhs edib və gənc xanımları qarşılarına qoyduqları hər hansı məqsədlərinə nail olmaq üçün iradəli olmağa, sağlamlıqlarını qorumağa çağırıb. Gənc xanımları əlillərin cəmiyyətdə qarşılaşdıqları bəzi problemlər barədə məlumatlandırıb.

   "Gülsam" ƏRİB, Hemofiliyalı Xəstələrin Respublika Assosiasiyası və Gürcüstan Respublikasının Gürcüstan Əlil Təşkilatlar Birliyinin iştirakı ilə "Bakı Caz Mərkəzi"ndə "Təcrübə Mübadiləsi" adlı möhtəşəm tədbir keçirilib.

   "Gülsam" ƏRİB Bakıda keçirilən "Avroviziya-2012" mahnı müsabiqəsi ilə əlaqədər Milli Parkda əlillərin gəzintisini təşkil edib, bu gəzintinin təşkil edilməsinə HXRA, Əlil Qadınlar Cəmiyyəti, Əlil Təşkilatları İttifaqı da dəstək olub.

   Ramazan ayı münasibətilə "Xəzər" televiziyasının "Ay Zaur" proqramının çəkiliş qrupu Ağsuda qonaq olub və "Gülsam"ın iştirakı ilə möhtəşəm tədbir keçirilib. Qeyd edək ki, belə bir tədbirin məhz "Gülsam"ın iştirakı ilə keçirilməsi Xalq artisti, xanəndə Səkinə İsmayılovanın təşəbbüsü ilə olub. Musiqili tədbirdə respublikanın tanınmış incəsənət ustaları zərbaycan Respublikasının Xalq artisti Məleykə Əsədova, müğənnilər Rəqsanə İsmayılova, Sevda Əliqızı, İlham Əsgəroğlu, Aşıq Azər və Səkinə xanımın tələbələri iştirak ediblər.

   "Gülsam" Amerika Hüquqşünaslar Assosiasiyasının Azərbaycandakı nümayəndəliyi (ABA-CEELİ) ilə birlikdə 2012-ci il 01 yanvar tarixindən layihə həyata keçirir. Layihə Ağsu rayonunda 2-ci dəfə ödənişsiz səyyar HÜQUQ məsləhəti xidmətindən ibarətdir. Layihə uğurla həyata keçirilir. Müraciət edən hüquqları pozulmuş və hüquqlarını bilməyən vətəndaşlarımıza hüquqi yardım edilir. "Gülsam"ın həyata keçirdiyi layihə 9 ay müddətində icra olunacaq. Bu müddət ərzində təşkilat əlil vətəndaşlara hüquqi yardım göstərməkdə davam edəcək.

Məlahət Rzayeva

Məqalə Azərbaycan Respublikası Prezidenti yanında KİV-ə Dövlət Dəstəyi Fondunun maliyyə dəstəyilə hazırlanıb

Bu xəbər 4206 dəfə oxunub

Oxşar xəbərlər:

Çap | Geri | Yuxarı

XƏBƏRLƏR

Oxşar xəbərlər:

SORĞU

TƏBRIKLƏR

******************************************

ƏLİLLİYİ OLAN ŞƏXSLƏRİN DOSTU

"ƏLİLLİYİ OLAN ŞƏXSLƏRUN DOSTU" mükafatının 2013-cü il üzrə qalibləri ********************************************

MÜSABİQƏ * 2015

ELANLAR

Sosial Xidmətlər Agentliyi

Əlilliyi olan şəxslər üçün videodərslər və məsləhətlər.

“Ən yaxşı məqalə” müsabiqəsi

MÜSAHİBƏLƏR

XƏBƏR LENTİ

» 14/3/2024- Cenevrədə BMT-nin “Əlilliyi olan şəxslərin hüquqları haqqında Konvensiya”sının icrasına dair Əlil Təşkilatları İttifaqının alternativ hesabatı Komitəyə təqdim olunub məruzəsi təqdim edilib

» 15/3/2024- QARABAĞ AZƏRBAYCANDIR!

» 15/3/2024- QARABAĞ AZƏRBAYCANDIR!

» 15/3/2024- QARABAĞ AZƏRBAYCANDIR!

» 14/2/2024- Azərbaycan Respublikasının Prezidenti İlham Əliyevin andiçmə mərasimi keçirilib Dövlətimizin başçısı mərasimdə nitq söyləyib

» 13/2/2024- “Fəlakət risklərinin azaldılması üzrə əlilliyi olan şəxsləri əhatə edən inklüziv siyasətlərin təkminləşdirilməsi” layihəsi üzrə əlilliyin olan şəxslər ilə fokus qrup keçirib.

» 14/2/2024- QARABAĞ AZƏRBAYCANDIR!

» 7/2/2024- Əlilliyi olan şəxslər növbədənkənar prezident seçkilərində fəal iştirak edirlər.

» 7/2/2024- QARABAĞ AZƏRBAYCANDIR!

» 1/2/2024- Əlil Təşkilatları İttifaqı “Alternativ hesabatların hazırlanmasında əlilliyi olan şəxslərin təşkilatlarının gücləndirilməsi” layihəsini uğurla yerinə yetirdi.

» 31/1/2024- QARABAĞ AZƏRBAYCANDIR!

» 10/1/2024- Azərbaycanın vətəndaş cəmiyyəti Prezident İlham Əliyevlə fəxr edir – BƏYANAT

» 8/1/2024- Naxçıvanda Milli QHT Forumunun regional forumu keçirilib

» 28/12/2023- Heydər Əliyev Fondu uşaqlar üçün bayram şənliyi təşkil edib

» 29/12/2023- “Fəlakət risklərinin azaldılması üzrə əlilliyi olan şəxsləri əhatə edən inklüziv siyasətlərin təkminləşdirilməsi” layihəsi üzrə əlilliyin olan şəxslərin təşkilatları ilə fokus qrup keçirib.

» 25/12/2023- 2024-cü il Azərbaycanda “Yaşıl dünya naminə həmrəylik ili” elan edilib

» 21/12/2023- Prezident Administrasiyasının QHT-lərlə iş sektoruna müdir təyin olunub

» 21/12/2023- Xankəndidə “Qarabağ”-MOİK oyunu Prezident İlham Əliyev Xankəndi stadionunda çıxış edib

» 20/12/2023- QARABAĞ AZƏRBAYCANDIR!

» 15/12/2023- “Əlilliyi olan şəxslərin təşkilatlarının dövlət qurumları tərəfindən həyata keçirilən fəaliyyətlərə cəlb edilməsinin əhəmiyyəti və yolları”

TƏQVİM

FAYDALI LİNKLƏR