65. Şəkərli diabet xəstəliyinə tutulmuş şəxslərə göstərilən illik tibbi yardımın (0 cümlədən zəruri olan müayinələrin) həcmi, inyeksiya vasitələrinin, insulin və digər şəkərsalıcı dərman preparatlarının, özünənəzarət vasitələrinin siyahısı və miqdarı"nın və "Şəkərli diabet xəstəliyinə tutulmuş şəxslərin insulin və digər şəkərsalıcı dərman preparatları, inyeksiya və özünənəzarət vasitələri ilə təminatı Qaydası"nın təsdiq edilməsi haqqında Azərbaycan Respublikası Nazirlər Kabinetinin Qərarı, 2005-ci il

"Şəkərli diabet xəstəliyinə tutulmuş şəxslərə göstərilən illik tibbi yardımın (0 cümlədən zəruri olan müayinələrin) həcmi, inyeksiya vasitələrinin, insulin və digər şəkərsalıcı dərman preparatlarının, özünənəzarət vasitələrinin siyahısı və miqdarı"nın və "Şəkərli diabet xəstəliyinə tutulmuş şəxslərin insulin və digər şəkərsalıcı dərman preparatları, inyeksiya və özünənəzarət vasitələri ilə təminatı Qaydası"nın təsdiq edilməsi haqqında

AZƏRBAYCAN RESPUBLİKASI NAZİRLƏR KABİNETİNİN QƏRARI

"Şəkərli diabet xəstəliyinə tutulmuş şəxslərə dövlət qayğısı haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 2004-cü il 12 fevral tarixli 32 nömrəli Fərmanının 1.5-ci bəndinin icrasını təmin etmək məqsədilə Azərbaycan Respublikasının Nazirlər Kabineti qərara alır:

1. "Şəkərli diabet xəstəliyinə tutulmuş şəxslərə göstərilən illik tibbi yardımın (o cümlədən zəruri olan müayinələrin) həcmi, inyeksiya vasitələrinin, insulin və digər şəkərsalıcı dərman preparatlarının, özünənəzarət vasitələrinin siyahısı və miqdarı" təsdiq edilsin (1 nömrəli əlavə).

"Şəkərli diabet xəstəliyinə tutulmuş şəxslərin insulin və digər şəkərsalıcı dərman preparatları, inyeksiya və özünənəzarət vasitələri ilə təminatı Qaydası" təsdiq edilsin (2 nömrəli əlavə).
Azərbaycan Respublikasının Səhiyyə Nazirliyinə tapşırılsın ki, şəkərli diabet xəstəliyinə tutulmuş şəxslərin dərman preparatları, inyeksiya və digər özünənəzarət vasitələri ilə təminatı ilə əlaqədar tələb olunan xərclər barədə dəqiq hesablamaları Azərbaycan Respublikasının Maliyyə Nazirliyinə təqdim etsin.

Azərbaycan Respublikasının Maliyyə Nazirliyi 2006-cı ilin dövlət büdcəsinin layihəsinin tətbiqi zamanı müvafiq vasitələrin nəzərdə tutulmasını təmin etsin.

4. Bu qərar imzalandığı gündən qüvvəyə minir.

Azərbaycan Respublikasının Baş naziri A. RASİZADƏ

Bakı şəhəri, 13 may 2005-ci il

№ 87

Azərbaycan Respublikası Nazirlər Kabinetinin

2005-ci il 13 may tarixli 87 nömrəli qərarı ilə

TƏSDİQ EDİLMİŞDİR

1 nömrəli əlavə

Şəkərli diabet xəstəliyinə tutulmuş şəxslərə göstərilən illik tibbi yardımın

(o cümlədən zəruri olan müayinələrin) həcmi, inyeksiya vasitələri, insulin

və digər şəkərsalıcı dərman preparatlarının, özünənəzarət vasitələrinin

SİYAHISI VƏ MİQDARI

İllik tibbi yardım		Şəkərli diabet tip 1		Şəkərli diabet tip 2 insulinə ehtiyacı olmayanlar			Şəkərli diabet tip 2 insulinə ehtiyacı olanlar
1		2		3			4
KONSULTASİYALAR *
Endokrinoloq		ayda 1 dəfə		2 ayda 1 dəfə			ayda 1 dəfə
Okulist		ildə 2 dəfə		ildə 2 dəfə			ildə 2 dəfə
Nevropatoloq		ildə 2 dəfə		ildə 2 dəfə			ildə 2 dəfə
Kardioloq		ildə 1 dəfə		ildə 1 dəfə			ildə 1 dəfə
ÖZÜNƏNƏZARƏT KURSU
Birinci kurs		1 dəfə		1 dəfə			1 dəfə
Təkrar kurslar		ehtiyac olanda 1-2 ildən bir		ehtiyac olanda 1-2 ildən bir			ehtiyac olanda 1-2 ildən bir
LABORATOR VƏ İNSTRUMENTAL MÜAYİNƏLƏR
Qanda şəkərin təyini			ayda 1 dəfə			3 ayda 1 dəfə		ayda 1 dəfə
Sidikdə asetonun təyini			ayda 1 dəfə			dekompensasiya vəziyyətində		dekompensasiya vəziyyətində
Sidikdə şəkərin təyini			özünənəzarət çərçivəsində sutkalıq qlikemik profili yoxlamağa imkan olmadıqda			özünənəzarət çərçivəsində sutkalıq qlikemik profili yoxlamağa imkan olmadıqda		özünənəzarət çərçivəsində sutkalıq qlikemik profili yoxlamağa imkan olmadıqda
Qlikohemoqlobinin təyini (HbALc)			ildə 4 dəfə			ildə 4 dəfə		ildə 4 dəfə
Qanda lipidlərin təyini			ildə 1 dəfə**			ildə 1 dəfə**		ildə 1 dəfə**
Qanda qaraciyər Sınaqlarının təyini			ildə 1 dəfə**			ildə 1 dəfə**		ildə 1 dəfə**
Qanda böyrək Sınaqlarının təyini			ildə 1 dəfə***			ildə 1 dəfə***		ildə 1 dəfə***
Mikroalbuminuriyanın təyini			makroproteinuriya olmadığı halda			makroproteinuriya olmadığı halda		makroproteinuriya olmadığı halda
EKQ			ildə 1 dəfə ildə 1 dəfə**			ildə 1 dəfə ildə 1 dəfə**		ildə 1 dəfə ildə 1 dəfə**
İNSULİN VƏ DİGƏR ŞƏKƏRSALICI DƏRMAN PREPARATLARI, İNYEKSİYA VASİTƏLƏRİ, ÖZÜNƏNƏZARƏT VASİTƏLƏRİ
İnsulin (50% qısa və 50% uzun müddət təsir edən)			illik 14400 vahid			tələb olunmur		illik 14400 vahid
Şəkərsalıcı həblər: Sulfanilamidlər 70% Biquanidlər 20% Tiozolidindionlar 2% Qeyri sulfanilamid sekretoqoqlar 2% a-qlükozidazanın ingibitorları 1% kombinəolunmuş preparatlar 5% Birdəfəlik insulin şprisi və ya insulin şpris- qələmləri üçün ucluq			tələb olunmur gündə 2 ədəd hər 5 gündən bir olmaqla, illik 144 ədəd			gündə 2 həb hesabı ilə ildə 720 həb tələb olunmur		gündə 2 həb hesabı ilə ildə 720 həb gündə 2 ədəd hər 5 gündən bir olmaqla, illik 144 ədəd
ÖZÜNƏNƏZARƏT VASİTƏLƏRİ
Qanda şəkəri təyin etmək üçün vizual test-çubuqlar (1 qutuda 50 ədəd)	ayda 1 qutu				2 aya bir qutu		ayda 1 qutu
Sidikdə şəkəri təyin etmək üçün vizual test-çubuqlar (1 qutuda 50 ədəd)	3 aya 1 qutu				3 aya 1 qutu		3 aya 1 qutu
Sidikdə asetonu təyin etmək üçün vizual test-çubuqlar (1 qutuda 50 ədəd)	3 aya 1 qutu				tələb olunmur		ildə 1 qutu

* Normativlər ağır fəsadları olmayan xəstələr üçün nəzərdə tutulub. Ağır fəsadları olan xəstələrə mütəxəssislərin baxışı ildə 4 dəfə keçirilməlidir. Böyrək çatışmazlığı zamanı nefroloqun, irinli yaralar zamanı cərrahın baxışı keçirilməlidir.

** Fəsadlar və müalicə zamanı ildə 4 dəfədən az olmayaraq.

*** Böyrək çatışmazlığında - ehtiyac olduqda.

Azərbaycan Respublikası Nazirlər Kabinetinin

2005-ci il 13 may tarixli 87 nömrəli qərarı ilə

TƏSDİQ EDİLMİŞDİR

2 nömrəli əlavə

Şəkərli diabet xəstəliyinə tutulmuş şəxslərin insulin və

digər şəkərsalıcı dərman preparatları, inyeksiya və

özünənəzarət vasitələri ilə təminatı

QAYDASI

Şəkərli diabet xəstəliyinə tutulmuş şəxslər yaşadıqları ərazi üzrə müalicə-profilaktika müəssisəsinin endokrinoloji kabinetində və ya endokrinolqji dispanserində qeydiyyata alınırlar.
Şəkərli diabet xəstəliyinə tutulmuş şəxslər insulin və digər şəkərsalıcı dərman preparatlarını, inyeksiya və özünənəzarət vasitələrini almaq üçün onlara qeydiyyatda olduqları müalicə-profılaktika müəssisəsi (endokrinoloji dispanser və ya ərazi poliklinikası) tərəfindən 2 nüsxədən ibarət resept yazılır.
Pulsuz dərman Azərbaycan Respublikasının Səhiyyə Nazirliyi tərəfindən təsdiq edilmiş xüsusi formada olan resept nüsxəsində yazılır.
Şəkərli diabet xəstəliyinə tutulmuş şəxslər üçün dərman preparatları təyin olunarkən, terapevtik doza 30 günlük müalicə kursundan artıq olmamalıdır.

Şəkərli diabet xəstəliyinə tutulmuş şəxslərin insulin və digər şəkərsalıcı dərman preparatları, inyeksiya və özünənəzarət vasitələri ilə təminatı resept əsasında müalicə-profilaktika müəssisəsinin (endokrinoloji dispanser və ya ərazi poliklinikası) müqavilə bağladığı aptek vasitəsilə həyata keçirilir.
Şəkərli diabet xəstəliyinə tutulmuş şəxslərin resept əsasında pulsuz aldıqları insulin və digər şəkərsalıcı dərman preparatlarının, inyeksiya və özünənəzarət vasitələrinin dəyəri vətəndaşın yaşadığı ərazi üzrə səhiyyə orqanının büdcə vəsaiti hesabına ödənilir.