Əlilliyi olan şəxslərin məşğulluğunun təmini layihəsinə yekun vuruldu

Sumqayıt şəhəri 13.11.2016

Əlilliyi olan şəxslərin məşğulluğunun təmini layihəsinə yekun vuruldu.

Ülfət” Əlillərin Sosial Problemlərinə Yardım İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyilə “Əlilliyi olan şəxslərin məşğulluğunun təmin edilməsi məqsədilə onlara müvafiq yeni peşə və ixtisasların öyrədilməsinin təşkili” adlı layihəsi üzrə peşə kurslarının icrasını başa çatdırıb.Layihə 6 ay müddətində davam etdi və 48 nəfər əlilliyi olan şəxslər bu layihədən bəhrələndi. Layihə 3 mərhələ üzrə davam edib və hər mərhələnin sonunda davamiyyət göstərən əlillyi olan şəxslər sertifikatlarla təmin olunublar. Layihənin məqsədi əlilliyi olan şəxslərin maddi durumunun yaxşılaşdırılması,onların cəmiyyətə inteqrasiya olunması üçün məşgulluğunun təmin edilməsi, peşəyönümlü proqramlara, işədüzəltmə xidmətlərinə və peşəkar, fasiləsiz təhsil prosesinə qoşulmaq imkanını yaratmaqdır. Təlim kurslarının iştirakçılar tərəfindən səmərəli şəkildə mənimsənilməsi və tətbiqi gələcəkdə fiziki məhdud şəxslərin əmək fəaliyyəti ilə məşğul olmasına zəmin yaradacaq. Eyni zamanda, fiziki məhdud şəxslərin öz problemlərinin həllində özlərinin iştirakçılığına və cəmiyyətdə aktiv olmalarına stimul verəcək.

Layihə rəhbəri : Səbinə Kərimova