Beynəlxalq əlillər günü.

 

 

 

 

 

 

 

 

 

 

 

 

Azərbaycan Respublikasının İnsan Hüquqları üzrə Müvəkkilinin (Ombudsmanın), Əmək və Əhalinin Sosial Müdafiəsi Nazirliyinin, Əlil Təşkilatları İttifaqının, BMT-nin Uşaq Fondunun Azərbaycan nümayəndəliyinin və World Vision (Dünyaya Baxış) Beynəlxalq Humanitar Təşkilatının birgə təşkilatçılığı ilə aidiyyəti dövlət, qeyri-hökumət və beynəlxalq təşkilatların nümayəndələrinin iştirakı ilə 3 dekabr – Beynəlxalq Əlilliyi olan Şəxslər Gününə həsr olunmuş “BMT-nin Əlilliyi olan şəxslərin hüquqları haqqında” Konvensiyasının Azərbaycan üzrə yerinə yetirilməsi səviyyəsi (maddə 9. Müyəssərlik)” mövzusunda konfrans keçirilmişdir.

Azərbaycan Respublikasının İnsan Hüquqları üzrə Müvəkkili (Ombudsma) Xanım Elmira Süleymanova, Əmək və Əhalinin Sosial Müdafiəsi Nazirinin müavini cənab Natiq Məmmədov, Əlil Təşkilatları İttifaqının prezidenti Davud Rəhimli, BMT-nin Uşaq Fondunun Azərbaycan nümayəndəliyinin rəhbəri Mark Herevard və World Vision Beynəlxalq Humanitar Təşkilatının layihə direktoru Giorgi Devidze  konfransın açılışını etmişlər.

 BMT-nin Baş Katibinin Beynəlxalq əlilliyi olan şəxslər günü münasibəti ilə müraciəti səslənmişdir.

Sonra Əlil Təşkilatları İttifaqı tərəfindən fiziki infrastrukturun müyəssərliyini əlilliyi olan şəxslər üçün təmin etmiş təşkilatların rəhbərləri:

 Heydər Əliyev Fondunun Prezidenti, Millət Vəkili – Xanım Mehriban Əliyeva

Azərbaycan Diplomatik Akademiyasının rektoru – cənab Hafiz Paşayev

Azərbaycan Respublikasının İnsan Hüquqları üzrə Müvəkkili (Ombudsman) – Xanım Elmira Süleymanova

Azərbaycan Respublikasının Mədəniyyət və Turizm Nazirliyi – cənab Əbülfəs Qarayev

Azərbaycan Respublikasının Rabitə və İnformasiya Texnologiyaları Naziri – cənab Əli Abbasov

Əmək və Əhalinin Sosial Müdafiəsi Nazirinin müavini – cənab Natiq Məmmədov

Azərbaycan Respublikası Bakı şəhəri Binəqədi rayon İcra Hakimiyyətinin Başçısı cənab Xaləddin İsgəndərov

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar  üzrə Dövlət Agentliyi - cənab İnam Kərimova

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri – cənab Azay Quliyev

Azərsel Telekom MMC-nin Prezidenti  cənab Kiril Qaburiç

 “Əlilliyi olan şəxslərin dostu” mükafatı ilə təltif olunmuşlar.

Hökumət, beynəlxalq qurumların, QHT nümayəndələri, əlilliyi olan şəxslər müzakirələrdə iştirak etmişlər.

 

---