“Əlilliyi olan şəxslərin həyatında müsbət dəyişikliklər” KİV

“Əlilliyi olan şəxslərin həyatında müsbət dəyişikliklər”

+  -  Çap

Yerləşdirilib: 24.05.12 | Baxılıb: 43

qhtxeber.az// Əlil Təşkilatları İttifaqı (ƏTİ) “Dünyaya Baxış” beynəlxalq hümanitar təşkilatının dəstəyi ilə “Əlilliyi olan şəxslərin həyatında müsbət dəyişikliklər” layihəsinin icrasına başlayıb. Əlil Təşkilatları İttifaqından qhtxeber.a-za verilən məlumata görə, layihənin əsas məramı əlilliyi olan şəxslər üçün sosial və hüquqi şəraitin yaxşılaşdırılmasına dəstək olmaqdır. Bu layihədə Əmək və Əhalinin Sosial Müdafiəsi Nazirliyi yanında işçi qrupu ilə işin aparılması, ictimai tədbirlərin həyata keçirilməsi, konvensiyadan irəli gələn hüquqi islahatların həyata keçirilməsinə tövhənin verilməsi nəzərdə tutulub.
Eyni zamanda, fəaliyyət planına uyğun olaraq müxtəlif tədbirlərin keçirilməsi, əlil təşkilatlarının fəaliyyətinə dəstək verilməsi də nəzərdə tutulmuşdur.
Qeyd edək ki, layihənin icra müddəti 2 il yarımdır.

 

 

---